النهارده الجمعه 29فبراير الساعه 11 مساء لسه راجع البيت وفتحت الانترنت اول خبر عينى وقعت عليه هو استشهاد فتاه مصريه كانت تلعب امام منزلها برصاص جنود اسرائليين
طبعا مبارك حايطلع ويقلنا ماتزعلوش دى مجرد غلطهغلطه قتلت بنت مصريه غلطه ضيعت احلام وامال وسعاده عائله بكاملها بل احزنت كل المصريين
طبعا مبارك مش ناوى حتى يفتح بقه ويقول ماتزعلوش وهو ليه اصلا يقول طالما الشعب مش حايتكلم ومابينطقش بجد حاجه تقرف بقينا نبص للشعب نحس انهم شويه معاتيه شويه ناس هاطله كل حاجه يضحكوا وبس فى موت فى فرح واحد بيتعذب ادامهم واحد مش لاقى ياكل واحده مسروق منهوب مقتول يبصوا ويضحكوا بقى بالذمه مش شعب اهطل ؟
يالا بينا نضحك يالا بينا نضحك
يالا بينا نضحك يالا بينا نضحك
ده احنا المصريين دايما فخورين بجدودنا اللى مننا مستعرين
يالا بينا نضحك ده احنا المصريين
دايما فرحانين سعداء مبسوطين
دايما مرتاحين ولا شكوى ولا انين
دايما مغمضين وفى حالنا عالطول قاعدين
نبص للظالم ونبص شمال ويمين
علشان ندعى عليه واحنا مطمنين
اصلنا يا جماعه عالطول خايفين
ومن خاف سلم وعاش ماحدش يدرى بيه
ندعى بصوت عالى او واطى اطمنوا ماتقلقوش
فى الحالتين ربنا سامعنا وملايكته بتقول امين
يبقى ايه لازمتها الجرسه وتعلية الصوت
مانوطى صوتنا شويه بدل الخوف مايموت
ونتضرب يالقفا ونبتسم عالطول
اصل القفا وفا لشعب عاش مذلول
يالا بينا نضحك
هناك 6 تعليقات:
شعر يصور حالة مجتمع وصل الحالة به الى حافة من الجنون جميل جدا
تحياتى
شكرا جدا يا شهد على تعليقك ربنا يخليكى
اذا كان الضحك لغه فهي لغه صماء ،
في كل مره بتضحك بطريقه ؛ مره عاليه مره واطيه ، وبتقولهم انا عايش والسلام
انت اللي مخدوع مش انت اللي بتضحك
ده الضحك عليك
شكرا صاحبة الحروف الضائعه على تعليقك الجميل فعلا المصريين بيضحكوا على نفسهم وهما عارفين ده وبرضه بيستمروا فى الضحك
صدقنى لما اسمع نشرة الاخبار او اشوف اللى بيحصل حوالينا ضغطى بيرتفع
وارتفع اكتر لما قريت كلامك ده لان لا حياة لمن تنادى والناس خلاااااص عايشين باستكانة ومفيش امل فى المستقبل
لك الله يامصر
إرسال تعليق